වා තලය නිසල විට
බැරෑරුම් කුණාටුව ළඟ බැව් කියයි
අහස ගුගුරා වැසි වැටේ යැයි
සිතූ විටක දී නිහඩ වෙයි
බලාපොරොත්තුවකට ජීවය පිඹින්නට
මෙවැනි බාධක සියුම් වෙයි
රළු වෙසින් පැමිණියත් මේඝය
මහා පොළොවට ළදරු වෙයි
සරුංගලයක රැහැණ සුන් කොට
ඉබාගාතේ යවයි-කුණාටු අහස වෙත
කොතැන වැටුණත් එහිම හිමිකරු
ඒ ඒ සියළු තැන් හිඳියි
එනමුත්
අහසේ නීතිය රීතිය නොදත්
සරුංගල කිසි දා උඩ නොයයි
වැටුනු තැනකින් ආයෙ අල්ලා
උඩ යවන්නට සිත දිරියි
සරුංගලයක සැබෑ ලස්සන
අහස මැද මිස වෙන නොවෙයි!
09/04/2012
