මස්තිෂ්කය ඇතුළත
අඳුරුය
කළුවරය
කෑලි කැපෙන තරමට!
හිස් කබොලෙන් වටකුරු වූ
ආලෝක පුංජයක් ඇතුළු නොවන
ඝණාන්ධකාර කුටියකි
මස්තිෂ්ක කුහරය
දෘශ්ටිවිතානය මතට වැටෙන
උඩුකුරුව ඇතුළුව-යටිකුරු වූ ප්‍රතිබිම්බය
රසායන අංශු පේලියක් බවට පත්ව
නික්ම ඇස පිලිකන්නෙන්
ඇතුළු වෙයි අඳුරු මොළ මස වෙත
අඳුරු අහස පලා ඇද වැටෙන
ගිලන් උල්කාෂ්ම වරුසාවක් සේ
අඳුරු මොළ මස තුළ
වර්ණාවලිය හැඳිනෙයි...
අඳුරු මොළ මස මත
වර්ණාලෝක වෙන් වෙයි...
ඇය දුටිමියි සිත තුටුවෙයි!
17/02/2012
