Friday, December 20, 2013

බොකයියා

බොකයියා

මහ මුහුදෙන් ගොඩ දාපු
පිත්තල සෙම්බුවක් වැනි
දිස්නෙ දෙන අඳුරු මුහුනෙන් යුතු
බොකයියා

ලවණ උරා ගත් කෙහෙරොද
කිසිදා වියලි නොවුනු තෙතමන
හිස මත තියාගෙන-වෙරළේ වැනෙන
බොකයියා

රැලි කඩාගෙන සිතිජෙට
ඔරු දියත් කරන අත් කීපෙට
සිගරැට් දෙක තුනක් දික්කරන
බොකයියා

මාළු ඇතත් නැතත් නිදි කිරන
කුණාටුවට පසු මුහුද මෙන් නිශ්චල
කරදිය වළල්ලෙන් මෙපිට නොඑන
බොකයියා

20/12/2013