Saturday, February 7, 2009

රවි සිරිවර්ධනගෙ කවි

ගසක අරුම

ගෙදරට එන- පාරෙ දුවන
බෙන්ස් වලට
රිකිලි සලා ටටා කියන
මැදුරෙ තේජසින් යැපී
පිළිල හංගගෙන බඩවත
මහත දෙහෙත අතු ඉති ලන
නුග ගස නුඹ...

කටුසර පොළොවෙ දළුලන
මහමග දූවිලි වළඳන
මන්දපෝෂනෙන් ඔත්පල වුණ ගස් වෙත
වෙලුන නුග කොළ විසිකර
කොචොක් කරන...

කෙසග ගසක
පුංචි ම අතු
සොදුරු මල් කැකුළු පුබුදා
සුවද ඉසින විට පවනට
කාක්කන් ලවා මුහුණට වසුරු හෙලන

ගසක මහිම බල අතු අග
හිස් බව පීදී ලඹ දෙන...




නූතන ගුරුවරයෙකුට - සිසුවෙකුගෙන්

"කලංකය
කීලය
මනිපත‍්‍රය
මුකුටය
අරක
මෙක
අහවල් එක"

"හත්වලාමෙ
ඔය
ඇති
මං කැමති විදිහට
මලින් මල
විඳින්නට
ඉඩක් නැති හැටි"



රවි සිරිවර්ධන 2001

රවි සිරිවර්ධනයන්ගේ දෙවන කාව්‍ය සංග‍්‍රහය වන පිළිසදරින් උපුටා ගන්නා ලදී.

Wednesday, February 4, 2009

ආදරෙයි මම තවම

ආදරෙයි මම තවම

නිවමි ලන්තෑරුම
නොපෙනෙන්න නුඹෙ
බඩගිනි ඇස් යුවල
තරුළු වෙමි
තවත් ඇටකටු වලටම
උණුසුම් සුසුම් අතරින
සොයමින් එදවස
තුරු ලපළු මඩුළු යට
තලා පොඩි කල
ගඳපාන මල් සුවඳ

ඊ ඒ ඩෝසන් ප‍්‍රීති 2006

මී පුප් ලදිම්

මී පුප් ලදිම්

චණ්ඩාල වැද්දා වීමි පෙරදින
ඉලක්කය ගෙන මුදාහැර තල
වෙන් කලේ නුඹ ලිහිණියකගෙන්
තබන්නට පිය බිරිය තනතුර

නොතන අංකුර බීජ නවථල
විඩාපත් විය බිඟුපති රොනලොල
පතිත වන තුරු රශ්මි සඳතුර
වලප්නා සක්වාලිහිණි යුවළද

සමග දිවයුරු නැවත පෙම් රඟ
දවට මියුරස තෙපුල් සියොලඟ
පෙන්වමින් සත් ගවු නියම් දුර
අසබඩව කැළතෙන රාහුමුව

ඊ ඒ ඩෝසන් ප‍්‍රීති 2006