Friday, April 20, 2012

හිරුගෙන් කැඩී ...

හිරුගෙන් කැඩී වෙන් වුන
කැබැල්ලක් පා වී ඇවිත් ගගනත
විනිවිද අහස ඕසෝන් ස්ථර
අවුලුවයි පෘථිවි කබොල නෑ සැක!

කල්ප කාලාන්තරයක සිට
කැරකී කැරකී වෙහෙසව
අතින් ගිලිහෙන දොයිතුව
පෙලා පලා දාවි ද ලෝ ධාතුව

හැල්මෙන් වසර අගණිත
සැලි සැලී හුන් බමනෙක
හිරි වැටී අත් බාහු දඟ යුග
ඉහිරෙයි ද හිරු ලෝහිත

හිරු තරු ඇතුළ ඉපදුන
දේවලින් සැදුන මිහි ජීවිත
හිරු තරු කැඩී විහිදෙන
කැබැල්ලෙන් නැවත ගනු ඇත

20/04/2012