ධර්ම චක‍්‍රය-ලක්ශාන්ත අතුකෝරල

ධර්ම චක‍්‍රය

පච්චා කොටන තැන
මකර රූ - කිනිසි - සරපයි
හෙළුවැලි ගෑණු අතරින්
උඹ තෝරා ගත් පච්චය
ධර්ම චක‍්‍රය

සෝමෙ පුදුම මිනිහෙක් උඹ
හිනා නොවෙන - නොහඩන
බලන්නන් බැල්මෙන් බය කරන
මන්ත‍්‍රී ළගවත් නොනැමෙන

තර තළෙළු මූණ - රතු ඇස්
කළු උඩු රැවුල කහ දත්
කුණු හරුප ගෝරනාඩුව සමග
තිබුනාට පපුව මත ධර්ම චක‍්‍රය
තිබුණාද ධර්මයක් පපුව යට?

බූරු පෙතකුදු නාරින
මඩම් අස්සේද රිංගන
ඉඳහිට හිරෙත් යන
උඹටත් හැබෑටම තිබුණ ද?
මොකක් හරි ධර්මයක් අදහන

හෝටල් ළග - සැලුන්වල
සති පොලේ - වින්කලේ - විට කඩෙ
ගැවසෙන - පච කෙළින
මස් කන - අරක්කු බොන - ගංජා උරන
සෝමෙ පුදුම මිනිහෙක් උඹ

ඒරියා එකේ බජාර් එකේ
කාට වුණත් අත තිබ්බොත්
අගල් හයක් බස්සනවා කියන

සෝමසිරි උඹ
එහෙම බැස්සූ බවක් නම්
අසා නැත අප
එනමුදු අසා ඇත
වීදියේ බලු පැටව් වඩාගෙන
දෙගොඩහරි ජාමෙත් උඹ
මස් කොත්තු කවන වග

කප්පම් ජෙරාගෙ සව්වන්ට
අහුවුණු තැන තලන
සෝමෙ පුදුම මිනිහෙක් උඹ
මුඩුක්කුවෙ පොඩි උන්ට
පොත් පත් තෑගි ගෙනියන්න
ජැටියේ අල ගෝනි උස්සන

දාඩියෙන් පෙගී - මවිල් අස්සෙන්
දිලිසෙනවා සෝමසිරි
ධර්ම චක‍්‍රය
උඹෙ පපුව මත

ලක්ශාන්ත අතුකෝරල
යටි වියන 2007

Comments

සරත් ගුණතුංග said…
මේ "ධර්ම චක්‍රය" කිය වූ පසු මටත් මෙවන් සිද්ධියක් මතක් වුනා. මා වෛද්‍ය ශිෂ්‍යයෙක්ව සිටි සමයේ එක් ප්‍රායෝගික ශල්‍ය වෛද්‍ය පන්තියක ශල්‍ය වෛද්‍ය විශේෂඥ තුමා ශල්‍යකර්මයක් කරන අන්දම අපට පෙන්වීය. ශල්‍ය කර්මය හර්නියා නම් වූ ආබාධයටය. ඒ හැඩිදැඩි පුරුෂයෙකි. හැඩිදැඩි වුවද, ඔහු සිහිය සම්පූර්ණයෙන්ම නැති කරන ලෙස ඉල්වීය. නිර්වින්දන වෛද්‍යතුමා ඔහුගේ ඉල්ලීමට එකඟ විය. ගාම්භීර රැවුලකින් යුතු ඒ පුරුෂයා දුටුවන් බිය ගැන්වීමට සමත් විය. සිහිය නැති වූ පසු ඔහුගේ ඇඳ සිටි වස්ත්‍ර ඉවත් කරන ලදී. ඒ සමගම නිර්වින්දන වෛද්‍ය තුමා අපට පෙන්වූ දැයින් සිනහ ආ නමුත්, තහනම් බැවින් සිනහ නොවී සිටීමට සිදු විය. ඒ පුරුෂයාගේ කලවා වල එකිනෙකා දෙසට වැඳ ගෙන සිටින පච්ච කොටන ලද නිර්වත් ගැහැණු රූ දෙකකි. නිර්වින්දන වෛද්‍ය තුමා කී දෙය මෙහි ලියන්නට අපහසුය.
2/12/2009 9:18 AM
ඩෝසන් said…
මට මතකයි මීට අවුරුදු දෙක තුනකට ඉස්සර මාත් එක්ක වැඩ කළ දකුණු අපි‍්‍රකානු ඉංජිනේරුවෙක් එයා සුදු ජාතිකයෙක්. නම පිලිප් වැන් ස්ටාඩන්. එයා මා එක්ක ගොඩක් කලක් වැඩ රාජකාරි කලත් නොයෙක් දේ බෙදා හදා ගත්තත් එක දෙයක් මම නොදැන සිටි බව එයා මට කීවෙ එයාගේ රාජකාරි කාලය ඉකුත් වී අපෙන් සමුගන්නට ඔහු සූදානම් කළ සාදයක් දවසේ. සාමාන්‍යයෙන් එයා අඳින්නෙ අත් කොට කමිස ඒවා වැළමිට ගාවට දිග ටිකක් අසාමාන්‍ය විශාලත්වයෙන් යුත් ඒවා. අපි කිසි කෙනෙක් කවදාවත් එයාගෙ අත් දෙකයි මුහුණයි හැරෙන්න කිසිම ශරීරාංගෝපාංග දැකලා තිබ්බෙත් නැහැ.එහෙම දකින්න එක්කො අපි එකට මුහුදක ජලාශෙක නාන්නවත් එපාය. නමුත් එහෙම අවස්ථාවක් එ ගත කළ කාලය තුල උදා වුනෙත් නැති නිසා එදා සාදයෙ දි ඔහු සිය කමිසය ඉවත් කළ මත්තෙන් අපට දිස්වුනේ වැළමිටට අගල් කීපයක් දක්වා සහ බෙල්ලෙ පපුවේ බොත්තම් කාසයෙන් අවසන් වන ස්ථානය දක්වා මුළු උඩුකයම විවිධ පච්චවලින් අලංකාර වී ඇති සැටියකි.

සාදයේ හුන් සියල්ලන් එතුවක් කල් ඇසුරු කළ සහෘදයාගේ සැබෑ රුව දුටුවෙ එදාය...
2/12/2009 10:36 AM
පිටස්තරයා said…
ඔබගේ බ්ලොග් එකේ පලවෙන කවි උපුටා ගන්නවානම් කුමක්ද කල යුත්තේ?
උදාහරණයක් ලෙස ඊමේල් වලින් සංසරණය කිරීම සඳහා?
3/04/2009 11:17 PM
ඩෝසන් said…
චමිල මල්ලි

මම මෙතන කොපි කරන දේවල් කවුරු විසින් කුමන ආකාරයකින් හෝ නැවත කොපි කර මිනිසුන් අතරට යැවීම මම ඉතාම අගය කරනවා.

මගේ නිර්මාණ හෝ මවිසින් උපුටන අන් අයගේ නිර්මාණ ද එලෙස නිර්මාණය කරන්නට හේතුව ද මිනිසුන්ගේ කියවීම සහ මිනිස් ක‍්‍රියාකාරිත්වයකට බැවින් ඒවා ඒ අරුතින් වඩාත් මිනිසුන් වෙත ගෙන යාමෙ ඔනෑම කෙනෙකුගේ අභිප‍්‍රාය මගේ සතුටට හේතු වෙ.

උපුටා ගැනීමට සියලු අවසර සියල්ලන් වෙත ඇත.
3/05/2009 3:01 AM
පිටස්තරයා said…
ස්තූතියි
3/05/2009 10:41 PM
Post a Comment

Popular posts from this blog

Workshop on Construction Contracts by- Eng. Malith Mendis

FEW MORE PLACES LEFT.  PLEASE FORWARD TO THOSE WHO MAY BE INTERESTED. THANK YOU WORKSHOP ON CONSTRUCTION CONTRACTS –  Register by Email Training Workshop: Construction  Claims -  Delay and Disruption - Analysis and Resolution Practical advice to those working in Projects in the management of claims, understanding, defending and achieving the resolution to claims.   Includes Delay Analysis, Analysis for Extra Payment and introduction to Delay and Disruption protocol. Saturday 11th  August  2018 ( One Day – 9am to 4pm) Training fee: Early Bird rate - Rs. 12,500/- per participant (After 31st July  - Rs. 15,000/- per participant) At Royal Colombo Golf Club, Model Farm Road, Borella For Engineers, Architects, Quantity Surveyors, Lawyers, Adjudicators, Arbitrators, Project Managers, Claims Managers, Consultants, Contractors and all Project staff Training by- Engineer Malith Mendis FIDIC Accredited Trainer on Co...
Read more

යුනිකෝ ගැන මතකය

Image
වර්ෂ 1975 ඔක්තෝබර් මස විසිවන දා උපත ලද "සිත්තර" චිත්‍රකතා පත්තරය මගේ ජීවිතයේ එක්තරා මංසන්ධියක් නිමැවූවා යැයි පැවසුවහොත් එය අතිශයෝක්තියක් නොවේ. සිත්තර පළමු පිටපත අපේ තාත්තා විසින් මිලට ගෙන කියවා එය මගේ වැඩිමල් සොයුරිය අතපත් සැනේ සිට මා ඇය වටා කැරකෙමින් එහි වූ රූප සහිත දෙබස් කතා මා වෙත උස් හඩින් පවසන මෙන් ඇවිටිලි කළ අයුරු මා මතකයේ දැඩිව අදත් රැඳී තිබේ. මගේ සොයුරිය මට වඩා සිවු වසරකින් වැඩිමල් වූයෙන් ඇයට කතන්දර කියවා තේරුම් ගැනීමට හැකියාවක් තිබුණි. රුසියානු කතන්දර පොත් කියවා මා විනෝදයට පත් කරන ඇයට මේ අමුතු කතන්දර පොත කියවන්නට පෙර කියවීම පිළිබඳ නොයෙකුත් පැටලිලි හටගන්නා බැව් මට දැනුණි. දෙබස් මෙන්ම සිතන දේ ද ලියා "වදන් වළාකුළු" මෙන් සටහන් කර ඇති රූප රාමු වෙසක් තොරණක් පිළිවෙලින් වටහා ගන්නා අයුරින් කියවා තේරුම් ගත යුතු බවට ඇය පෙන්වා දුන් අතර අකුරු කියවා ගැනීමේ හැකියාවක් නොවූ මා හට ඈ ඇගේ සිත්ගත් කතා කියවා අවසන් වන තුරු රූප දෙස බලමින් සිටින්නට සිදු විය. අක්කා ඉතිං ඊට පස්සේ චිත්‍ර කතාව මහත් අභිරුචියකින් කියවන අයුරු පසෙක සිට නරඹන මා ඇය කියවා අවසන් වන තුරු ඉවසා බලා සිටීම බ...
Read more

බුදු දහමේ ඉගැන්වෙන ප්‍රතිසන්ධි තල පිළිබඳ භෞතික විග්‍රහයක්

Image
බුදු දහමේ ඉගැන්වෙන ප්‍රතිසන්ධි තල පිළිබඳ භෞතික විග්‍රහයක් මේ ස්වභා දහමේ නිර්මාන කාලයේ ඇරඹුමේ සිටම අපට ප්‍රත්‍යක්ෂ වෙමින් හෝ නොවෙමින් අප අතරම පැවතුනි. ඒවා ගවේෂණය කිරීමෙන් අපට ප්‍රත්‍යක්ෂ වන මාදිලි බවට පරිවර්තනය කරන්නට කවදා කවුරුන් හෝ මූලික වන්නේද යන්න මිස ඒවා අලුතින් ප්‍රාදූර්භූත වීමකින් තොරව සනාථනිකව තම පැවැත්ම රඳවා ගනී. -රොජර් පෙන්රෝස් Those designs were already ‘in existence’ since the beginning of time, in the potential timeless sense that they would necessarily be revealed precisely in the form that we perceive them today, no matter at what time or in what location some perceiving being might have chosen to examine them. page 47: Roger Penrose The Road to Reality- A Complete Guide to the Laws of the Universe කාලය ඒක මාන ද? භෞතික විද්‍යාව එහි මූලාරම්භයේ පටන්ම මෙතුවකට අචලව පවත්වා ආ මූලික ලක්ෂණ අතුරෙන් අතිශය වැදගත් සංකල්පයක් වන්නේ කාලයේ මාන විෂයෙහි ඒකීයත්වය යි. නිව්ටෝනියානු කාලය විශ්වයේ සියලු තැන්හි එකම සීඝ්‍රතාවයකින් ගලා යද්දී අයින්ස්ටයිනියානු කාලය නිරීක්ෂකයාට අනුව සීඝ්‍ර...
Read more