Dawson Preethi | වචන ටැක්සි

මම ‍මුහුණුපොතේ කවි රස විඳින්නෙක්මි. මා බොහෝ අවස්ථවලදී ඒවාට කොමෙන්ටු ද දමා එන්නේ ඒවා ලීවේ කවුදැයි කින්දැයි මන්දැයි නොදැනය. ක්‍රිශාන් රාජපක්ෂගේ කවිද මා රස විඳින කවි අතර වේ. සමහර ඔහුගේ කවි කියැවීමෙන් මගේ කවි සිතද මෙලැවේ. ඇවිලේ. එබඳු අවස්ථාවක ඔහුගේ කවියේ කොමෙන්ටුවක් ලෙස මම ද කවියක් ලියා එමි. මේ එබඳු කවියකි. කවියක් වැනි යමකි. මේවා පිළිතුරු කවි ලෙසද ඕනෑ නම් සැලකිය හැකිය. මම කඹය අත හැරියෙමි එක මොහොතක ඇතත් අත මසෙහි ශක්තිය වියැකුණේය හිතෙහි එම බල ...එසැණ ආලෝක වේගයෙන් ලුහුටා ගොස් මා දෙපා වැදුණි මුළු සිරුරම උසාවි බිත්තිය මත සමමිතිකව ජ්‍යාමිතිකව සංස්ථිතිකව පරිපූර්ණව සී සී කඩව එතුවක් අත රැඳුණු ඇඟිලි ඇට කටු නිය පොතු විසිරිණි උසාවි ගෙමිදුල මත! මා මිතුරෝ වහා එක් රැස්ව අහුලා මගේ සී සී කඩ ඇට මිදුළු වත ගොත තබාගත්හ සුරැකිව තම තම නිවෙසේ දළදා කරඩුවට නොදෙවෙනි විලසේ නිති වැඳ කඹ අදින්නට යෙදෙන සැම විටෙකම උහු පෑහ මා නටබුන් කැට කැබැල්ල! ඔවුනොවුන් වෙනදා ට වඩා වෙසෙසින් වැළඳ සිප දිවුරා කීය රහසින්... "අකමැතිය දිනක් හෝ පෙමින් බැඳි තොප මෙලෙස සී සී කඩව විසිරෙනු දකිනට සුන් ව...

හැම ගඟකම ඉරණම හැම ගංපතුලකම ඇත රුදුරු සළකුණක් නොයා පසා කර කබොල නවතින්නට දී අණක් හැම ගංගාවක්ම ඇදි ඇදී යත්ම පොළව මත වැඩි වැඩියෙන් හාරයි එහි පතුල ගැඹුර වැඩි කර කර දකිනු රිසිව පොලෝ ගැබ මධ්‍යය ඛාදනය කර ගං පතුල සිවි ගෙය ගංගාවෝ ගලා යති කිසි දිනෙක මහ පොළව මැද නොදැක හැම ගඟකම ඉරණම මහ මුහුද පමණිය එහි තරම පොලෝ ගැබ පලා සැඟවුන එකම ගඟ නැත තවම ඉපදුන ඩෝසන් ප්‍රීති 08/2010

අද වගේ මතකයි මට ඇඟට හිර කෝට් ඇඳ දහදිය-දිය පට්ට සඟව ගෙන මංගල්ලෙට වුන ලක ලැහැස්තිය පරක්කු වෙද්දි මඟුල් පිංතූරෙට ස්ටුඩියෝවට යන්න සැළසුම විලස තවමත් හැට්ට බාගෙට ඇඳන් බ්‍රෙසියර පටි පෙනි පෙනි වෙනද නොදුටු තන පොඩිති දඟලද්දී බැමි ලණු ලිහී කොණ්ඩෙ පුරා දියර හලා මිටෙන් මිට ගෙන පනා උලා කොණ්ඩ කටු ගෝනියක් ඇණ තද කරන විට ‍මුහුලස හිස මුදුන මම හිටියේ පුදුම තදියමකින් ජනේලය ළඟ බැන බැන රූපලාවන්‍ය ශිල්පිණියට "හවස හතරයි තිහට ස්ටුඩිය වහනවා යක්සණියේ ඉක්මන් කරහල්ලා ඔය ඇන්දිලි දැනටමත් හතරයි තිහයි" සුදුපාට සාරියේ හැඩකාර බඳ දිගේ රූරා වැටුනු එම්බ්‍රොයිඩර රිදී සීකුවින්ස් නයගරා ඇල්ල සේ හිස මුදුන සිට ගලන සුදුම සුදු මල් පොහොට්ටු පා මුල වැටී දිලිසුන ඇගෙ සිනහව එදා වගෙමයි නෙත් දෙකේ රන් කෙඳි ඇලෙයි තොල් පුරා ලැකි දිස්න දෙන තට්ටු ගණනක රතු නාවර මගෙ පිපාසය වඩයි ඇඟ ඇතුල ගිනි තපියි අතින් ඇදගෙන දුවං යාලුවගේ කාර් එකේ ජෝඩු දා වාඩි වී දහදිය පිසිමින් සිඟිති ලේන්සු‍ පොඩිවල මම දැක්කේ මේක් අප් අස්සේ දියව ගිය මගෙ කෙල්ල ආයෙම රාත්‍රියේ සොයා ගත යුතුය ඇය උදුරන්නට කොණ්ඩ කටු යාවි එක යාමයක...

මේ නිර්මාණය මට හමුවන්නේ අනුර ජයවර්ධනගේ මුහුණු පොතේ නිර්මාණ ඇල්බමයකිනි. එහි අන්තර්ගතය පිළිබඳ මගේ අදහස් දැක්වීම මේ ආකාර නිර්මාණ බොහෝමයක තිඹිරි ගෙයක් වූ මුහුණුපොත් වාසීන්ගේ උනන්දුව පිණිස මෙහි ලියා තබමි. සඳැස්- නිසඳැස් -ඡායාරූප මුහුවකින් මේ නිර්මාණය සංයුක්ත වේ. "එලා සිසිලක නදී එපා නොකියන මදී" මේ යෙදුම් දෙක තවත් සකස් කරන්නට වූයේ නම් කවිය වාගාලංකාරයට යට නොවන මධුර දෙයක් බවට යම් පරිපූර්ණත්වයකට යන්නට ඉඩ තිබ්බා. අරුත් සහ අරුත් නොවන ‍දේ උදෙසා තාලය හුවමාරු කරගත් විට පැරණි සම්ප්‍රදායික කවිය ඇතුලේ සිදු ‍වූ දේ ... මේක ඇතුලෙත් සිදු වෙනවා. ඒක නව කවිය නම් වූ නැටුමට කොර පුද්ගලයෙක් එබ්බෙව්වා වගේ වැඩක්. විසංයෝජනය පළමුවෙනි පද හතරේ එන පුරුෂ ලෝකයේ ආශාවේ කේන්ද්‍රය සහ වස්තුව වන ස්ත්‍රිය පිළිබඳ පාරභෞතිකය සදාතනිකව සූචනය කරනු ලබන සංකේතීය විශ්වය නැවත පරිකල්පනීය ලෙස ගොඩ නංවා ඇති හෙයින් එහි විසංයෝජනයම එම පද හතර අවසානයේ ම ලැබෙයි. එනිසා මේ කවිය වෙනත් බොහෝ නිර්මාණ මෙන්ම මෙටාෆරය පැටාෆරයක් දක්වා සංවර්ධනය නොවීමේ දුර්වලතාවය නිසාම ඔලුවක් ඇතුලේ සිදුවිය යුතු විසංයෝජනය ඉන් පරිභාහිරව ම භාෂාත්මක ප්‍ර...

කාමරය මුල්ලේ නිදා සිටි ගිටාර තත් මතට සිවිලිමෙන් පතිත හූනෙක් [ද්‍රාං!!!] නංවයි තත්රාව බිඳ හුදකලා නිහඩබව ජීවිතය හිස් කුහරයක් ගිටාර බඳ මෙන්  මායිම් දාර නොදැකිය හැකි අඳුරු බිත්තිවලින් වටවූ සිතිවිලි දෝංකාර දෙන වැදී තැන තැන බොල් හඩකට වුව අනුනාද කැටි කළ ගිටාර හිස් කුඹල මෙන් නැවත නැවතත් ඇසෙයි ඒ අහඹු තත්රාව අදිසි හස්තයකින් පිරිමැදුනු දිව නදකින් වාතලය කැළඹුනු ජීවිතය පිරී යයි අහස් වෙඩිල්ලක් මෙන් ආලෝක දහරාවෙන් අකුණක් කෙටුනු විලසින් ලියා අවසන් වූ කල සිත උපන් රස සතපා පද තුළ කවියක... ජීවිතය පිරී යයි ඩෝසන් ප්‍රීති 08/2010 සිතුවම ArtRage ඇසුරෙනි.

MAY be D & G "මේ බි ඩී ඇන්ඩ් ජී " "දාස් කැපිටාලය" ද නුඹ ඔය පපුව මත්තේ ඇඳන් ඉන්නේ? එහෙමත් නැත්නම් අලුත්ම කොපියක් ද ඒකෙම හරියට "දාස් ගැටකැපිලි කැපිටාලය" නුඹ අතින් ඉන්දියාවෙදි ලියැවුනු? මට නොතේරෙයි කුමක් දැයි D & G දාස් කැපිටාලය නම් D & C විය යුතුයැ: දාස් කැපිටාලය නම් D & K විය යුතුයැ එහෙනම් සමහර විට "දාස් ගැටකැපිලි කැපිටාලයම" විය හැකියැ සමහර විට "දාස් කැපිලි කැපිටාලයම" විය හැකියැ G...ගැටකැපිලි  C...කැපිටාලය K...කැපිලි ..... ..... මට ඇත්තේ නුඹ ගැන ‍සොම්නසකි නුඹට රැවටුන අය ගැන දොම්නසකි නුඹ කියා දී ඇත "දාස් කැපිටාලය" නිවැරදි බව නැවත ! ඒ නිසාය සොම්නස!! ප්‍රායෝගිකව චිත්තාකර්ශණීයව බොක්කටම දැනෙන්නට! "වටිනාකම් වශයෙන් සියළු හුවමාරු භාණ්ඩ කැටි කරන ලද ශ්‍රම කාලයෙහි නිශ්චිත ස්කන්ධ පමණි." එබැවින් එය නිෂ්පාදනය සඳහා අවශ්‍ය ශ්‍රම කාලය නියතයක් ව පැවැතියේ නම් හුවමාරු භාණ්ඩයේ වටිනාකම ද නියතයක්ව පවතිනු ඇත. එහෙත් ශ්‍රම ඵලදාවෙහි සෑම විචලනයක් සමගම පූර්වෝක්තය වෙනස් වෙයි. මෙම ඵලදාව විවිධ තත්ත්ව මගින් නිශචය ක...

සඳුන්ගේ දෘශ්‍ය කවිය Electro-Convulsive Therapy [ECT] විදියට කියවාගැනීම හෙවත් කවිවලින් ඔලුවට කරන්ට් ඇල්ලීම මේ නිර්මාණය මා මනස තුළින් හමා යන්නේ ඉලෙක්ට්‍රොකන්වල්සිවු තෙරපියක් Electroconvulsive Therapy (ECT) වගේ කියල සඳහන් කළොත් සමහර අය මේ කීව තෙරපිය ගැන හාංකවිසියක්වත් නොදන්නවා විය හැකි හෙයින් තවත් මේ වගේ දෘශ්‍ය කවි දුටු විට ඒවා රසාස්වාදනය කෙසේ වෙතත් පැත්ත පළාතකින් ඇස යවන්නවත් බය වෙන්නට‍ බොහෝ ඉඩකඩ ඇත්තේය. විය හැකි එක් සත්‍යයක් නම් මෙවැනි නිර්මාණයක් හරහා අපි අද්දකින එබඳු කම්පනය කුමක් ද යන්න නිවේෂණය කර ගැනීම තුළින් අප අත්කර ගන්නා දැනුම හෝ පැහැදිලි බව යම් අයුරකින් සම්ප්‍රදායික කවියක් කියවා ආනන්දයෙන් ප්‍රඥාවට එළඹීමට වඩා හාත්පසින් වෙනස්  අද්දැකීමක් වන බැව් අවබෝධ කරගැනීමයි. නැවතත් එම කළින් සඳහන් කළ තෙරපිය වෙතට ආවොත් එය සමහර මානසික රෝග පරිපාලනය සහ ප්‍රතිකාරය පිණිස භාවිත වන විද්‍යුත් තරංග ආශ්‍රයෙන් මොළය කම්පනය කරවා එහි රසායනික ජීව ක්‍රියාවලිය සොලවා දැමීමකින් එම ප්‍රතිකාරයට ලක්වන පුද්ගලයාගේ කිසියම් මානසික ආතතියක් හෝ පීඩන තත්වයක් සමනය කිරීම හෝ පාලනය කිරීම කරනු ලබන බව දැක්විය හැකියි. මේ...

ArtRage ඇසුරෙන් සිතුවම් කරන ලද්දකි

තට්ටු කරන්න හෙමින් නයිට්‍රික් ඇසිඩ් බිංදුවක් අත්ල මැද දුම් දමයි ජීවිතේ රේඛා එකිනෙක පිළිස්සෙයි අඟුරු වෙයි එනමුදු වචන ගල් වී ඇත අයිස් කැට මෙන් ඝණීභවනය වී ඇත දිය නොවෙයි කෙළෙසවත් සැර නොවේ නයිට්‍රික් අම්ල දිය වුවත් රත්තරන් දිය නොවෙයි වචන කරකැවෙයි කටු කම්බියක් පසා කර බඩ කැවුතු උදරයේ කිලිපොලා යයි අතුණුබහන් බත්කෙඳි පුපුරා යයි එනමුදු සිතුවිලි ගල් වී ඇත කිරිගරුඩ කැට මෙන් නිල් දියමන්ති සේ දැඩිව නොකැඩෙයි දැඩි බව සිරුරු පටක ඉරී ගියත් වානේ තියුණු තුඩු මතින් නො‍බිඳෙයි සිතුවිලි සිරුර අත් හළ විටක අත්හැර දැමිය නොහැකි කිසිවක් ලෙයින් මසින් සිතට යාවන මේ මාංෂ කඩමාළුවේ නැත නොබිඳෙන සිතුවිලි ද දිය නොවන වචන ද වේදනාවේ වේදනාව මකා දමනු ඇත *"තට්ටු කරන්න හෙමින්// මගේ විමානේ..දොරටුව ඔබගෙයි තට්ටු කරන්න හෙමින්//"   *තාරාවෝ ඉගිලෙති (ලූෂන් බුලත්සිංහල) ගා‍ය‍න‍ය‍ - අනුලා බුලත්සිංහල ගීතය උපුටා ගන්නට උපකාරී වූ නූර්ති සහ වේදිකා නාට්‍ය ගී බ්ලොග් අඩවියට ස්තුතියි. සිතුවම ArtRage ආශ්‍රයෙන් නිර්මාණය කරන ලද්දකි. ඩෝසන් ප්‍රීති 08/2010

ArtRage භාවිතයෙන් ඇඳි සිතුවමකි.

ජීවිතය අකුලේ දැනේ සීතල කෝපි වීදුරුවක සිසිලක් විලසේ අමතකව ගිය තොල ගාන්නට නිසි උණුසුමින් කෝපි කෝප්පයක් මෙන් අමතකව ගිය මේස දාරය අසල නීරස රසක් සහ ඇල්මැරුණු තොලග ස්පර්ශයක් සීතල වැකි කෝපි කෝප්පයක් මෙන් එබඳුයි ඔබ මා අමතන විට එබඳුයි ඔබ මා විමසන විට පිළිතුරු නැති පැහැදිලි නැති සහසක් ඔව් සහසක් දේ අභියස මගේ දෙතොල් විපිලිසරයි හදවත ‍ගොලුයි දිවග වියළියි ආත්මය ගොරහැඩියි බැරිද අර කඩා වැටෙන හිරු නවතන්නට එක වදනකින් මියුරු බැරිද අර අහස් අඳුරෙ ගිලෙන සඳවත වළකන්නට ආලෝකයෙන් හද පොපියන බැහැ මගේ දෙතොල් විපිලිසරයි හදවත ‍ගොලුයි දිවග වියළියි ආත්මය ගොරහැඩියි හදේ කොතැනකවත් නැත කිසිදු ආලෝකයක්... තිබුනේද නැත කිසිම කිසි ආ‍ලෝකයක්... ජීවිතය අකුලේ දැනේ සීතල කෝපි වීදුරුවක සිසිලක් විලසේ ඩෝසන් ප්‍රීති

ස්ටාලින්වාදය නාසිවාදයට වඩා දුෂ්ට වන්නේ ඇයි? -ස්ලාවො ජිජැක්  ස්ලාවො ජිජැක් - සංස්කෘතික විචාරක පරිවර්තනයකි   දෘශ්ටිවාදය යනු විශ්වය පිළිබඳ කිසියම් අනන්‍යය අත්දැකීමක් සහ එතුළ ඔබ‍ගේ අනන්‍යතාවය කිසියම් සම්මත පාරිභාෂික වචන පද්ධතියකින් හඟවන පැවැත්මේ බල සම්බන්ධතා නිශ්පාදනය සහ තවත් නොයෙක් ‍ඒ ආකාර දේවල්වල එකතුවක්." නූතන අදහස් පෙනෙන ආකාරයට පමණක් ධනේශ්වර විරෝධීයි... ස්ටාලින්වාදය බටහිර බුද්ධාගම ප්‍රතිගෝලීයකරණය රැඩිකල් මානව අයිතිවාසිකම්වල නිදහස්වාදය ධනාත්මක මනෝ විද්‍යාව පරිසරවිද්‍යාත්මක ආහාර ස්ලාවොජ් ජිජැක් ලෝකයම පිළිගත් ක්‍රමවිරෝධි බරපතළ බුද්ධිමතෙකු සේම එතරම්ම ප්‍රහසනාත්මක දේශකයෙකි. ඔහුගේ පොත්වල එන සියුම් දේවල් ස්පර්ශ කරමින් ගොඩනගන අන්තර්දෘෂ්ටිය කේන්ද්‍ර වූ අදහස් බොහෝ අයට වටහා ගැනීමට දුෂ්කර නොවන්නේ ඔහු ඒවා පැහැදිලි කිරීමට භාවිතා කරන්නා වූ ජනප්‍රිය සංස්කෘතියේ ප්‍රචලිත උදාහරණයන් නිසාවෙනි. ඔහුගේ විශේෂඥතාවය පැතිරී පවතින්නේ ලැකාන්, ස්ටාලින්, හිච්කොක් සහ ක්‍රිස්තියානිය සම්බන්ධවය. ඔහු ස්ලෝවෙනියානුවෙකු ලෙස බටහිර පාරිභෝගික නිශ්පාදන ක්‍රියාවලිය කෙරෙහි නැවුම් සහ පුදුමාකාර ප්‍රතිචාරයක් දක්වන දාර්ශනි‍...

කාව්‍යකරණය, ජල සංකල්ප රූපය සහ ක්වොන්ටම් භෞතිකය- [පළමු කොටස] පරිවර්තනයකි By Dis-Ease [කතෘගේ සටහන- මෙම ලිපිය මවිසින් සාහිත්‍ය පුවත්පතකට ලියා පළ වූවකි. මම මෙය නැවත සංස්කරණය කොට ලියන්නට උත්සාහ කළේ වඩාත් පැහැදිලි සහ නිරවද්‍යතාවයකින් යුතුව වඩාත් පළල් පාඨක ප්‍රජාවකට ඉදිරිපත් කිරීමේ අරමුණෙනි. සියළු හිමිකම් කතෘ සතුය.] භාෂාවේ සාමාන්‍ය භාවිතය තුළ සත්‍යය යනු නාම පදයක් ලෙසින් ගන්නා අතර එය එක්වර ග්‍රහණය කර ගත හැකි දෙයක් ලෙස හෝ අවම වශයෙන් එය පියවරෙන් පියවර හෝ ළඟා විය හැකි දෙයක් ලෙස අපි ගනිමු. -ඩේවිඩ් බෝම් [ද රියෝමෝඩ් - The Rheomode] ජලය මා අමන්දානන්දයට පත් කරයි. සමහර විට මේ ආනන්දය මා ගර්භාෂය තුල ජලයේ කිමිදී එහි එතී ආරක්ෂාකාරීව සිටි අතීත ගැඹුරු මතකය දක්වා විහිදී යන්නේ හෝ වඩාත් ගැඹුරු ඇම්නියතික සාගර පතුලක සෛල පටලයකින් වැසුනු මතකයක් දක්වා ඇදී යන්නට ද හැකිය.‍ කෙසේ වුවත් මාගේ සැලකිය යුතු මට්ටමක යහපතක් සිදු වූ දේවල් සහ එබඳු අතීත මතකයන් සියල්ල ජලය හා බැඳී පවතී. සමහර විට එය බාලදක්ෂ කටයුත්තක් හෝ පාසැලේ තූර්ය වාදක කණ්ඩායම හා සබැඳි සිදුවීමක් හෝ මා ප්‍රථම වතාවට පැසිෆික් සාගරය වෙත ඇවිද ගිය මතකයක් ද විය හැකිය. -මේ...