Dawson Preethi | වචන ටැක්සි

පැවැත්මෙ ස්වයං බුද්ධිය කාටත් අමතකව ගිය ඒ පරාජයන්, අත්වැරදීම් සහ පාවාදීම් නැවත මතක් කරන්නා සපැමිණ ඇත උතුරු තරු කේතුවෙන් ඔහු දඩමස් බුදින තාරුකා පංතියක් පෙන්වා දස දහසක් ඇත් ගොව්වන් පාගා ලූ වියරු හස්තීන් ගේ ඇට කටු දිරා ගිය පොසිල මෙන් ශිෂ්ඨාචාරයේ පහල ස්ථරවල ටැග් ගැහී ඇති අයුර පෙන්වයි ඔහු උදාහරණ පාමින් පාඩම ඉදිරියට ඇදන් යයි කදු මස්තකයේ වැඩ සිටි සිරිපතුල මෙන්ම බුදුන්ගේ; අමතක නොවී ඉතිරි වූ නබිතුමන්ගේ පාද ලාංඡනය ද මතක් කරදෙයි; ශිව ලිංගයෙන් උපත ලද සියල්ලේ සාරය ගැන වැලි දූලි අංශුවක න්‍යශ්ටියේ ඇති සිතිවිල්ල පැවැත්මෙ ස්වයං බුද්ධිය ඔහු ප‍්‍රකාෂ කර සිටියි නෑසුකන්ව අපි උසස් පෙළ හදාරා කළුකුහර විද්‍යාලයට රිංගා යමු... විශ්වය ගිලී ගිය කළු කුහර විද්‍යාලයේ අපි සත්‍යයට සාප කරන විද්‍යාව උගනිමු ගුරැ ඇදුරැ මඩුළු අරා වැඩ සිටින සාපයේ ලෝගුධාරීනගේ දෑතින් උප අධි පලදනා රැගෙන ගෙලවට සිරකරගනිමු හිස මත කටු ඔටුනු පළඳගමු සත්‍යය යැයි ලාංඡනයක් සාදා එයට මුවා වී සියළු ලාංඡන මකා දමමු ඒ මැකීමේ යාන්ත්‍රණය හදාරමු සැසඳීමෙන් වෙන් ව වෙනස සොයමින් අනන්‍යකරණය කරමු එකඟ වන්නන් සොයා පේලි ගැසෙමු එනමුදු ඔහු එකම ලාංඡන දෙපස සේනා රැස් කරවයි අපට...

09 Jul 09 අපේ Numeric තාලය By රුසිරු 6 Comments Categories: වෙනත් Romberg කියපන් කතන්දරේ Newton ආව නේද කලබලේ Lagrange දුන්න නේද හුටපටේ සමීකරන දැක්කෙම නෑ මේවගේ Euler වගේ හිටපු සෝබනා Runge-Kutta දාපු ගමන් කෙල වුනා Coefficient Matrixඋත් හිරවුනා යන්තං LU දාගෙන බේරුනා වැරදි කරන් අපිම ඒව හොයනවා Truncation Error කියල කියන‌වා Taylor අනේ හැමදේටම පනින‌වා එක ගණනට ක්‍රම 2 3 තියෙන‌වා Richardsonගෙ Extrapolate තියෙනවා Simpson Trapezoidalඋත් තියෙනවා Geometric Algebraic ඉන්න‌වා නම් පැටලිල පොඩි බයකුත් හිතෙන‌වා Syllabus එක ඉවර වෙන්න ලංවෙලා කියපු ඒව ඔළුව ඇතුලෙ පැටලිලා විභාගයත් අත ලඟටම ලංවෙලා හිස් කොළයක් බලං ඉඳියි බය වෙලා රුසිරු බොතේජු -------------------------------------------------------------------------------- 6 Responses to “අපේ Numeric තාලය” Feed for this Entry Trackback Address -------------------------------------------------------------------------------- 1 chathuraw July 9, 2009 at 9:45 pm හික් හික්…. එළ එළ Reply 2 ayani July 9, 2009 at 10:33 pm hehe…the fourth and fifth verses are soooo true… R...

සූරිය කාන්තා ”තරුණයා...! නුඹ විසින් දේවත්වයකින් සැලකිය යුතු කරඩුවක බහා පුද දුන් නොඉදුල් ආලය... අවමානයක් බවට පත් වීම කෙසේ නම් භුක්ති විද ගන්නෙම් ද...? අනෙක... නිමක් නැති පුරුෂ ඇසුරට ගිජු වූ ඇයගේ රතී රසය නුඹ වැන්නෙකුට තරම් වේද...? තුන් කල් ළගා කර ගත යුතු නැති... මෙවන් ස්ත‍්‍රීහු කිසිදු පෙම්වතෙකුට... කිසිදු ස්වාමිපුරුෂයෙකුට අනිවාර්යය අපකීර්තිය හා අභාග්‍යය ළගා නොකරන්නේ ද... ? එපමණක් ද... ? තරුණයා...! මේ දේ හොඳ හැටි... සිත තුළට ගනින්... මේ ලෝකයෙහි මිනිසුන් අතරේ අත්හැර දැමීමට නොහැකි කරදරකාරී පුරුදු දෙකක් තියෙනවා...එකක් පිරිමින්ගේ සූදුව...අනෙක ගෑණුන්ගේ වේසකම...” ගුණරත්න වික‍්‍රමගේ-පළමු හාදුව-ගිනි කූර කෙටි කතා සංග‍්‍රහය ”එක්ස් කියුස් මී කවුද සිල්වියා කියන්නේ?” ”මම තමයි සිල්වියා -එච් ආර් ඇසිස්ටන්ට් -කරුණාකරල මෙතනින් වාඩි වෙන්න ” සිල්වියා මට මුණගැහෙන්නේ මා රැකියාවට පැමිණි පළමු දිනයේම මගේ පෞද්ගලික ලිපිගොණුව සකස් කරන්නට ඇයට සිදුවූ නිසාය. කාර්යාලයේ නවීනතම පරිඝණක උපාංග අතර දිලිසෙන වීදුරු ක්‍යුබිකල් අස්සෙන් ඇය කඩිසරව ගමන් කරයි. ඇගේ සියුමැලි සිරුරේ පාණ්ඩු පැහැයත් කෙසඟබවත් මගේ සිත් ගත්ත...

අන්ධකාර සිතුවිල්ලෙන් දෑස් මනස් දෝනාවන් අඳුරෙන් වැසී ඇති මොහොතේ දුම්වැටියක් දල්වා ආලෝකය දුම් ගුලි තුල සඟවා මා හදවතට යවන්නටයැයි සිතමින් බොහෝ ගැඹුරට සුසුම හා මුසුව දුම් ඇද්ද ද ඒවා අවසානයේ මගේ ආලෝකමත් පෙණහළු තුල කළුම කළු තාර මණ්ඩි පින්තාරු කර ඇති වග මට දැනේ. [ මොඩිලියානි සිනමා පටය නරඹන අතරතුර ලියැවුනකි] ඊ ඒ ඩෝසන් ප‍්‍රීති 072009

අන් සතු (මා) රුව මම විඳිමි ඈ රුව පෙනෙන ලෙස තඹරුව බිඟු ඇසින් කරන ලෙද බලකලත් සිතුවිලි ඇය හටම කරන ලෙද ආලය හද තුලින් කෙසේ කරමිද ආලය වෙන කෙනෙකුට නතු වූ හදවතින් ලිව්වේ LISHWISH මෙම නිර්මාණය මට හමුවුනේ ලිෂ්විෂ්ගේ බ්ලොග් සටහනේ ඔහු ගේම නිර්මාණයක් ලෙසය. මෙ නිර්මාණය මසිතට ගෙන ආ සිතුවිලි කීපයක් සටහන් කරන්නයි මෙ වෑයම. අන් සතු රුව හෝ අන් සතු මා රුව හෝ අන් සතු මාරුව යන මූලික ත‍්‍රිත්වාකරයෙන් මාතෘකාව තෝරා ගැනීමෙ නිදහස පාඨකයා වෙත පවරා ඇති මෙ නිර්මාණයේ ඇරඹුම ම අභ්‍යාසයක් වෙත අපව යොමු කරවයි. කවියේ කියැවීම මාතෘකාව මතින් පොදුවේ පිලිගත හැකි තුන් ආකාරයකට විචලනය වේ. මෙය කවියක ඇති බහුවිධ අරුත් මැවීමේ හැකියාව නිශ්චිතවම ඉක්මවා යෑමකි. මෙබදු වරහන් භාවිතයෙන් අකුරු සහසංයුජතාවයෙන් තැබීම වර්තමානයේ සුලබ සිදුවීමක් ද වේ. එහෙත් මෙ නිර්මාණයේ දී එය වඩාත් චමත්කාරජනක ප්‍රතිකතනයන් උපදවයි. වචනරුත් සමග සිදුවන විවිධ කියවීම් වලට පෙළඹීමට හෝ යොමු වීමට සාපේක්ෂව මෙ මාතෘකා විවිධාංගීකරණය වීම නිසා සිදුවන විවිධ කියැවීම් කරා යොමු වීම මෙම නිර්මාණයේ ම අනිවාර්යය අංගයක් බවට පත් වේ. එනයින් මෙම නිර්මාණයේ තේමාව වඩාත් ලං වන්නේ සම්භාවිතා ආකෘතිය...

වාර්නිස් සුවඳ සහ මල් සුවඳ වාර්නිස් ගෑ දොර කවුළු පියන් පත් වෙනදා හමා ආ ගෙමිදුලේ මල් කොල සුවඳ හා මුසුව සිය වාර්නිස් සුවඳ බෙදයි මා නැහැ පුඩු තුලට අමුතුම සුවඳක් --------------------------ලී බඩු සාප්පුවක --------------------------පෙල ගැසී රොද බැඳැති දැවමය --------------------------තේක්ක-නැඳුන්-බුරැත-කළුවර --------------------------හල්මිල්ල-කොස්-මහෝගනී-සූරියමාර --------------------------සුවඳ පරයමින් ටර්පන්ටයින් හා මුසුව වාර්නිස් සුවඳ උදම් අනයි ඒ මගේ සුවඳ යැයි මල් සුවද නිකසල; වාර්නිස් සුවඳටම අවනතව හිඳියි තුටින් පෙරසේම නොහඟී පැරදුමක් රහසින් කියයි නැහැ පුඩුවලට --------වාර්නිස් දිලිසුනත් --------සුවද දුන්නත් --------නාසා පූට කාරමින ලෝහ ටින් තුල පැලපදියම්ව හාඩ්වෙයාර් රාක්කවල පාරම් බෑවද වුනත් ඇතිරුන දොර ජනෙල් අල්මාරි මත ----------------සිටුවර යහන් මතුපිට කැටයමක ----------------බාල්ක මුදුන් ලී -දේවාල කැනිමඩල ආරුක්කුවල ----------------ශ්‍රේෂ්ඨ සිතුවමක රාමු පට්ටමක ලියකමක ----------------සිංහාසන- පෙට්ටගම්- කවිච්චි -බරාඳ ගල් බිංදුවක ----------------වොරැඳුන ද මහේෂාක්‍යව තරග වැදුනද පවනට මුසුව සුගන්ධවත් ප...

කහගැහුණු කරදහියකි නුඹ වත දෙමළ කළු තලෙළුව මත ලියා ඇත නළල මත දෙමසක පෙර සිට නොහිම් හඩ තලතල විස්මලන්තය ඇලිස් දුටු එක විට පහරවා දෙටුන් දුහුනන් දවසැර පා මුල නුඹ මවන ලෙස නොපැකිල දනෝ දෙති වදනිසුර සේ සුරගුර එද මා සුවෙනි සබඳ නුඹ වින්දද අකැප රසාතල සැප නොපනත් නොවෙමි මා හද උපතින් සිහල ලේ ලද වුව එනමුත් දැවෙයි මා හද කිමද කාරණ නුඹ මෙ කප අග ලද විණ දැවෙයි මා සියොළඟ නුඹ සිනාසෙන සඳ පෝලිමක නොනිමි ගිනි කන ගාම්භීර ආකාහේ උදාවන හිරැ රැස් දහර යට කඳවුරේ දෙමළ කළු තලෙළුව දියව උදුල වනු ඇත මතු දින සඳසේ නූඹ කළු තලෙළුව පිලිස්සී එදින සැබෑවනු ඇත පැතුම් දෑ නුරේ දෝත නගා එනු මැන නුඹත් තල එළළුයි එකලට මෙ මනුපුරේ ඩෝසන් ප්‍රීති 05-07-2009

ජායිපූර් - රෝස පුරවරය නිමිත්ත - ඉන්දියාවෙ ප‍්‍රථම සැලසුම්ගත නගරය වන ජායිපූර්හි සියලුම ගොඩනැගිලි රෝස පැහැති නිසා රෝස පුරවරය නමින්ද හැදින්වේ මන්දිර, සදළුතල පියගැට මෙන්ම පටුමං සියල්ලම රෝස පැහැයෙන් සිහින නුවරක් ලෙස; සියල්ල වසා පැතිරිනු මේ ගුරු රෝස පැහැය උඩින් උඩින් උඩු ගුවනින් හැලුනාදෝ බිමින් බිමින් මහපොලොවෙන් ඉනුවාදෝ හිමින් හිමින් මද සුලගින් පැමිනියෙදෝ කොයි අතකින් කොයි ලෙසකින් ආවාදෝ අතීත දුර්ග මං පෙත මත දිනූ රන් කරඩුවක් ලෙස මුද්‍රාගත වුවද මේ පුරවර සුපසන් ඉතිහාස පොතමත ඒ සියලු මුද්‍රාමත නොරැුදවු දසදහස් මිනිස් ජීවිත සිහින සහ ලේ මස් ඇට නහර සංමිශ්‍රීතව ඇත වියලි ගුරු පොලොවට එකට; දෙකට; තුන අනුපාතිකව අධිපති රාජ බල බමනයකට හසුව ඉතින් මේ ගුරු රෝස පැහැය සිහිනමය වර්ණයක් නොව සැම නුවරකටම පොදු සංයෝග වර්ණකාරක වු මිය ගිය සිහින වල නොඋපන් කාන්තියයි ලේ මස් ඇට නහර වල පීඩිත ජීවයයි මේ මහපොලොවෙම අපරිමිත ශක්තියයි සැගවූ සැබැවක රහසිගත ස්වරයි සුසන්ත ජානක නිවාස යනු ජීවත් වීමෙ යන්ත‍්‍ර ලෙස ලේ කබුසි [Le Corbusier] පැවසුවෙය. ලේ කබුසි නූතනත්වයට පත්වූ වාස්තු විද්‍යාවේ පුරෝගාමියෙකු වේ. ඔහු විසින් සැළසුම් කොට නිමවා ඉන්දියාව...