සංඛ්‍යා දෙකක් අතර සැඟවුණු සම්බන්ධයකින් ක්වොන්ටම් පැටලීමේ ගණිතය සොයා යෑම
සංඛ්‍යා දෙකක් අතර සැඟවුණු සම්බන්ධයකින් ක්වොන්ටම් පැටලීමේ ගණිතය සොයා යෑම 3 සහ 7 යන සංඛ්‍යා දෙක අපව ක්වොන්ටම් ලෝකයට රැගෙන යන්නේ කෙසේද? ක්වොන්ටම් පැටලීම (Quantum Entanglement) ගැන අප බොහෝ විට අසා තිබෙන්නේ තරමක් අද්භූත කතාවක්. අංශු දෙකක් එකිනෙකින් ඉතා ඈතට ගියත්, ඒවා අතර කිසියම් සම්බන්ධයක් ඉතිරි වන බවත්, එකක මිනුමක ප්‍රතිඵලය අනෙකේ මිනුම සමඟ සම්බන්ධ වන බවත් අපට කියා දෙනවා. නමුත් මේ සම්බන්ධය ඇත්තෙන්ම කුමක්ද? එය අංශු දෙක අතර අදෘශ්‍යමාන නූලක් තිබීමක්ද? නැතිනම් අප තවමත් නොදන්නා තොරතුරු හුවමාරුවක්ද? මේ ප්‍රශ්නයට පිළිතුරක් සොයන්නට මම තරමක් වෙනස් මාර්ගයක් තෝරාගත්තා. අපි ක්වොන්ටම් අංශු දෙකකින් නොව, ඉතා සාමාන්‍ය සංඛ්‍යා දෙකකින් ආරම්භ කරමු. 3 සහ 7. මේ සංඛ්‍යා දෙක විවිධ ගණිතමය ක්‍රියාවලට භාජනය කරමින්, ඒවායේ මුල් ස්වරූපය වෙනස් කළත් කිසියම් සම්බන්ධයක් නොවෙනස්ව තබාගත හැකිදැයි බලමු. එතැනින් අපි ක්‍රමයෙන් ක්වොන්ටම් යාන්ත්‍ර විද්‍යාවේ සැබෑ ගණිතය වෙත ගමන් කරමු. මෙහිදී මතක තබාගත යුතු වැදගත් දෙයක් තිබෙනවා. සංඛ්‍යා දෙකක් අතර සම්බන්ධයක් ආරක්ෂා වීම පමණක් ක්වොන්ටම් පැටලීමක් නොවෙයි. එහෙත් ඒ සරල අදහස, පැට...
