සියළු ඇනෝනිමස්ලාට ආදරෙන්

සියළු ඇනෝනිමස්ලාට ආදරෙන්
To Anonymous with love

පික්සල් පලාගෙන එන අදිසි නමක්
නන්නාඳුනන තුවක්කුකරුවෙක්
ඇනෝනිමස්
anonymous

මිනිසත් භවයේ නවතම ආත්ම
බහු ආත්මික මිනිසුන්ගෙන්
ඔව් උනට ආත්ම ගොඩයි
ඇනෝනිමස්

කෙලෙස හඳුනා ගන්න ද මෙ
භූමිකාව සබඳ; ඇනෝනිමස්

බසයක නන්නාඳුන ගැහැණියකට හේත්තු වූවා වැනි
දිගට හරහට තවයිසිත ගත
උරයි මනසින් ඇගේ රොනවුල්
නන්නාඳුනන ගැහැණියක් ඇය
කෙලෙස හිරි බිය නැති කළ ද කම් නැත
නන්නාඳුනන ගැහැණියකි ඇය

ඈ මගේ මව නොවෙයි;
ඈ මගේ සොයුරිය නොවෙයි;
ඈ මගේ මිතුරියක නොවෙයි;
ඈ මගේ ඥාතියකු නොවෙයි;
ඈ මගේ කිසිවකු නොවෙයි;
ඉතින් කම් නැත
ඒ ඇගට හේත්තු වූවාට
එය යුද පිටියක බටයකු අතට පත්
තවත් එක් සතුරු සන්තකයක් පමණි
රිසි සේ එය හසුරුවන්නට
අයිතිය ඇත- ඇය ඇයට හිමි නැත

ඇය හඩ නොනගයි
මුනිවත ඉවසයි
ඈ සිතින් ශාප කරයි
එය නුඹට නෑසෙයි

බසය නොව සයිබරය
ගැහැණු නොව බ්ලොග්වලට
ඉව කරන සලෙළන් ද
මෙ අලුත් ඇනෝනිමස්?

ආත්මයක් නැති
නිර්නාමික; ශරීර නැති

ඒ බඹ ලොව නොව මෙ සයිබරය
මෙ අපි සැරිසරන සයිබරය!
බඹලොව පරදන නම මිස කය නැති
සිත නැති කුස ඇති රහසග නැති

අංගය සිඳ ගත් අනංගලා
ඇනෝනිමස් ලෙස
ජැක් එක නැතිව
ගැහැණුන්ට ජැක් ගහන!
තම සිතැගි පුපුරුවා ලන
ඇනෝනිමස්
බඹලොව පරදන නම මිස කය නැති
බ්ලොග් අස්සේ ජැක් ගහන
ජැක් එක නැති
ඇනෝනිමස්

සබඳ ඇනෝනිමස්
අපි සපථ කරමු
නුඹලාගේ නැතිවුන රහසග
සොයා දෙන්නට
එතකන් බ්ලෝග් අස්සේ
ජැක් ගැහැව්වා යැයි තුටින්
කල් යවනු මැන
ඇනෝනිමස්
anonymous


ඩෝසන් ප‍්‍රීති
200904

Comments

Buru Babe said…
ඩොසා,
මේ කවිය ගැන නම් කියන්නම දෙයක් තියෙනවා.පසු ගිය දවස්වල දැකපු දේවල් එක්ක.
මාත් බලනවා සිංහල බ්ලොග් වල අන්තිම කාලෙ ඊනියා මාෆියා චරිත ගොඩ නැගෙනවා.ගොඩාක් වෙලාවට තමන් හිතන දේ නෙමෙයි මේ අය ලියන්නෙ රැල්ලට.අනිත් අයට අපහසු වෙන්න දේවල් එහෙම නැත්නම් කියවන අයට මේ මිනිස්සුන්ව එපා වෙන්න නිකම් හිස් වචන ගොඩාක්.
ඒ විතරක් නෙමෙයි මේ අය proper ID එකකින් ලියන්නෙත් නෑ.මට හිතෙන්නෙ හරියට කොන්දක් නැති මිනිස්සු වගේ.ඇයි මේ අයට බැරි තමන්ගෙ මතය අනිත් අයට annonyms නොවී කියන්න? මට හිතෙන්නෙ මෙයාලට ඉන්ටෙර්නෙට් කියන්නෙ අනුන්ගෙ ඇන්දුම් හොදන තැනක් වගේ...

අඩුම තරමින් තමන්ගේ අදහස ප්‍රකාශ කරන්න තියෙන අයිතියටවත් මේ මිනිස්සු ගරු කරනවාද මන්දා.නැත්නම් එහෙම අයිතියක් තියෙනව කියලවත් මේ annonyms ල දන්නවාද මන්දා.

එන්න අපි කොන්දක් නැති මිනිස්සු නොවී ලියන්න ගමු?
4/18/2009 2:29 PM
AJ said…
methanin ehatawath anonymous comments dana ekak naa wageee......

ath itin mama nam expect karagena inne mekata anonymous comment ekak me kaviyata... :-)
4/18/2009 3:08 PM
malee_msg said…
අම්මපා! මේක ලිව්ව කෙනා මගේ අහල පහල ඉන්නවා නම් මං දණගහලා වදිනවා.. සමාව ඉල්ලන්න නෙවෙයි මේ කවිය ලිව්වට ‍කොහොම ස්තූති කරන්නද කියලා හිතාගන්න බැරි හින්දා. ඒ තරමටම මට මේ කවි පන්තිය වටිනවා..
4/18/2009 5:40 PM
ශාකුන්තල | Shaakunthala said…
වචන අඩුවෙන් පාවිච්චි කරල ලොකු දෙයක් කියල තියෙනවා නෙව.. ඇනොනිමස්ලා බ්ලොග්කරුවන්ගෙ අයිතීන් වලට මුවාවෙලා කරන විළිලැජ්ජා නැති දේවල් ගැන හොඳට දැනෙන්න ලියල තියෙනවා. :)

මෙතන නම් ඇනොනිමස්ලාට ඉඩ නෑ වගේ. ඇනොනිමස් ගැන මගේ මතයත් මෙතනම ඉදිරිපත් කරන්නම්. මේ කතන්දරේ මම මීට කලින් ගම්පොළයා බ්ලොග් අඩවියෙ ලියල තිබුණා. නමුත් ඒ බ්ලොග් එක දැන් missing.

සමහර වෙලාවට කෙනෙකුට අවශ්‍ය වෙන්න පුළුවන් යමක් පිළිබඳ කතා කරන්න. ඒත් ඒ මාතෘකාව පිළිබඳ කතා කිරීම නිසා ඒ පුද්ගලයාට සමාජයෙන් අනවශ්‍ය බලපෑම් ඇති වෙන්න පුළුවන්. ඒ නිසා නිර්නාමිකත්වය බ්ලොග්කරණයට, නිදහස් අදහස් සංසරණයට වැදගත්. මගේ බ්ලොග් එකේ නිර්නාමික අදහස් වලට ඉඩ දීල තියෙන්නෙත්, comment moderation අක්‍රිය කර තිබෙන්නේත් ඒ අර්ථයෙන්.

ඒත්,
1. නිර්නාමිකව කුණුහරුප හා නන් දොඩවනවා නම්,
2. නිර්නාමිකත්වය පාවිච්චි කරල අනුන් එක්ක තියෙන පුද්ගලික තරහවල් සංසිඳවගන්න උත්සාහ කරනවනම්,
3. අනුන්ගේ නම් වලින් පෙනී සිටිනව නම්,
ඒකෙන් හැඟවෙන්නෙ නිර්නාමිකයා මුහුණ නොපෙන්වා ස්වකීය නිමිත්ත රහිත නිරුවත පෙන්වීමක්.

අනෙක.. සියළුම නිර්නාමිකයින්ගෙන් මම ඉල්ලා සිටිනවා හැකිනම් claimIDහි තමන් කැමති අන්වර්ථ නමක් ලියාපදිංචි කරගන්නා ලෙස. එතකොට පිළිවෙලයි නේද?
4/18/2009 6:30 PM
Koombiya said…
Shishta lesa kunuharupa kiyanna igena ganna wishishata athwalak!

Machan,
Mun mewa walin igena ganiyi. Adu gane nirmanasheeliwa kunuharupa kiyana widiha.
mage adahasa nam,
Kunuharupayak wunath wadinna liyanna krama thiyanawa.
4/20/2009 9:09 AM
Kasun said…
කදිමයි!
4/21/2009 11:13 AM
දිලාන් said…
හොද කාලානුකුල නිර්මාණයක්.අද Anonymous මේ බ්ලොග් අවකාශය තුල පිලිලයක් වෙලා.හොද නිර්මාණකරුවන්ව මර්ධනයට ඔවුන් යොදා ගන්නවා.සම්හරු තමන්ගේ බ්ලොග් අඩවියේ ප්‍රතිචාර වැඩි කරගැනිම Anonymousලා හදනවා.
4/22/2009 8:48 AM
Post a Comment

Popular posts from this blog

යුනිකෝ ගැන මතකය

Image
වර්ෂ 1975 ඔක්තෝබර් මස විසිවන දා උපත ලද "සිත්තර" චිත්‍රකතා පත්තරය මගේ ජීවිතයේ එක්තරා මංසන්ධියක් නිමැවූවා යැයි පැවසුවහොත් එය අතිශයෝක්තියක් නොවේ. සිත්තර පළමු පිටපත අපේ තාත්තා විසින් මිලට ගෙන කියවා එය මගේ වැඩිමල් සොයුරිය අතපත් සැනේ සිට මා ඇය වටා කැරකෙමින් එහි වූ රූප සහිත දෙබස් කතා මා වෙත උස් හඩින් පවසන මෙන් ඇවිටිලි කළ අයුරු මා මතකයේ දැඩිව අදත් රැඳී තිබේ. මගේ සොයුරිය මට වඩා සිවු වසරකින් වැඩිමල් වූයෙන් ඇයට කතන්දර කියවා තේරුම් ගැනීමට හැකියාවක් තිබුණි. රුසියානු කතන්දර පොත් කියවා මා විනෝදයට පත් කරන ඇයට මේ අමුතු කතන්දර පොත කියවන්නට පෙර කියවීම පිළිබඳ නොයෙකුත් පැටලිලි හටගන්නා බැව් මට දැනුණි. දෙබස් මෙන්ම සිතන දේ ද ලියා "වදන් වළාකුළු" මෙන් සටහන් කර ඇති රූප රාමු වෙසක් තොරණක් පිළිවෙලින් වටහා ගන්නා අයුරින් කියවා තේරුම් ගත යුතු බවට ඇය පෙන්වා දුන් අතර අකුරු කියවා ගැනීමේ හැකියාවක් නොවූ මා හට ඈ ඇගේ සිත්ගත් කතා කියවා අවසන් වන තුරු රූප දෙස බලමින් සිටින්නට සිදු විය. අක්කා ඉතිං ඊට පස්සේ චිත්‍ර කතාව මහත් අභිරුචියකින් කියවන අයුරු පසෙක සිට නරඹන මා ඇය කියවා අවසන් වන තුරු ඉවසා බලා සිටීම බ...
Read more

බුදු දහමේ ඉගැන්වෙන ප්‍රතිසන්ධි තල පිළිබඳ භෞතික විග්‍රහයක්

Image
බුදු දහමේ ඉගැන්වෙන ප්‍රතිසන්ධි තල පිළිබඳ භෞතික විග්‍රහයක් මේ ස්වභා දහමේ නිර්මාන කාලයේ ඇරඹුමේ සිටම අපට ප්‍රත්‍යක්ෂ වෙමින් හෝ නොවෙමින් අප අතරම පැවතුනි. ඒවා ගවේෂණය කිරීමෙන් අපට ප්‍රත්‍යක්ෂ වන මාදිලි බවට පරිවර්තනය කරන්නට කවදා කවුරුන් හෝ මූලික වන්නේද යන්න මිස ඒවා අලුතින් ප්‍රාදූර්භූත වීමකින් තොරව සනාථනිකව තම පැවැත්ම රඳවා ගනී. -රොජර් පෙන්රෝස් Those designs were already ‘in existence’ since the beginning of time, in the potential timeless sense that they would necessarily be revealed precisely in the form that we perceive them today, no matter at what time or in what location some perceiving being might have chosen to examine them. page 47: Roger Penrose The Road to Reality- A Complete Guide to the Laws of the Universe කාලය ඒක මාන ද? භෞතික විද්‍යාව එහි මූලාරම්භයේ පටන්ම මෙතුවකට අචලව පවත්වා ආ මූලික ලක්ෂණ අතුරෙන් අතිශය වැදගත් සංකල්පයක් වන්නේ කාලයේ මාන විෂයෙහි ඒකීයත්වය යි. නිව්ටෝනියානු කාලය විශ්වයේ සියලු තැන්හි එකම සීඝ්‍රතාවයකින් ගලා යද්දී අයින්ස්ටයිනියානු කාලය නිරීක්ෂකයාට අනුව සීඝ්‍ර...
Read more

ගණිතය නිර්වින්දනය වූ කල , අපේ Numeric තාලය -රුසිරු බොතේජු

Image
09 Jul 09 අපේ Numeric තාලය By රුසිරු 6 Comments Categories: වෙනත් Romberg කියපන් කතන්දරේ Newton ආව නේද කලබලේ Lagrange දුන්න නේද හුටපටේ සමීකරන දැක්කෙම නෑ මේවගේ Euler වගේ හිටපු සෝබනා Runge-Kutta දාපු ගමන් කෙල වුනා Coefficient Matrixඋත් හිරවුනා යන්තං LU දාගෙන බේරුනා වැරදි කරන් අපිම ඒව හොයනවා Truncation Error කියල කියන‌වා Taylor අනේ හැමදේටම පනින‌වා එක ගණනට ක්‍රම 2 3 තියෙන‌වා Richardsonගෙ Extrapolate තියෙනවා Simpson Trapezoidalඋත් තියෙනවා Geometric Algebraic ඉන්න‌වා නම් පැටලිල පොඩි බයකුත් හිතෙන‌වා Syllabus එක ඉවර වෙන්න ලංවෙලා කියපු ඒව ඔළුව ඇතුලෙ පැටලිලා විභාගයත් අත ලඟටම ලංවෙලා හිස් කොළයක් බලං ඉඳියි බය වෙලා රුසිරු බොතේජු -------------------------------------------------------------------------------- 6 Responses to “අපේ Numeric තාලය” Feed for this Entry Trackback Address -------------------------------------------------------------------------------- 1 chathuraw July 9, 2009 at 9:45 pm හික් හික්…. එළ එළ Reply 2 ayani July 9, 2009 at 10:33 pm hehe…the fourth and fifth verses are soooo true… R...
Read more