බූඩි සමග කතා බහක්සිනමාව ගැන කතා කරන්නට සිනමාකරුවකු සමග අවස්ථාවක් ලද්දෙන් අප සිනෙසිටියට කල්තියා ගියේ ඉමහත් බලාපොරොත්තුවෙන් සිත් පුරවා ගෙනය. අප සිතුවාටත් වඩා උද්‍යෝගයෙන් මඩනා ලද තරුණ තරුණියන් පිරිසක් බූඩි සමග කතාබහක් සඳහා පැමිණ සිටීම තරුණ පරම්පරාවේ සිනමා අවබෝධය පිණිස උනන්දුව විදහා දක්වන්නක් වීම මෙහි ලා සඳහන් කරනු වටනේය.
සිනමාව යනු පෙරළා ජීවිතය දෙසම හෙලන බැල්මක්ය යන ආස්ථානයෙන් ඇරඹි කතාබහ වෙළඳ දැන්වීම් කලාවේ සහ ටෙලිනාට්‍ය කලාවේ නොපවතින විචාරාත්මක ගනුදෙනුව දක්වාම විහිදී ගියේය. සිනමා කව තුළින් මතු විය යුතු ජීවිත ගවේෂණ යනාදියේ මූලික අදහස් ද සිනමාවේ මනෝවිද්‍යාත්මක ප්‍රවේශයන් ගැනද මතු වූ අදහස් වැදගත්ය. සිනමා කෘතියක් නැරඹීමේ සිට එහි ෂානරයන් සහ ආඛ්‍යානයන් හඳුනා ගැනීමද ලෝක සිනමාව පිළිබඳ කෙරෙන සමාලෝචනය ද අබ්බාස් කියොරස්තාමි ගැන සඳහන් වූ අදහස් ද රසවත්ය. එබඳු සාකච්ඡාවට බඳුන් වූ දේ වඩාත් දීර්ඝ ලෙස ලියන්නට ඇත්නම් වඩාත් අගේය.
ලංකාවේ කලා නිශ්පාදන වෙනුවෙන් කණ්ඩායම් ගත වීමේ නොහැකියාව ගැන බූඩි දැක්වූ අදහස් ද කොතරම් ප්‍රායෝගික දැයි අපට නොයෙක් වර සිතුනි.
තවත් දිනෙක තවත් බොහෝ සිනමා සිතුවිලි සාකච්ඡාවට විවර වන බිහිදොරක් ලෙස බූඩිගේ මෙම අතරමැදි වීම අපි සලකමු. ඒ සිනමාත්මක සැන්දෑව වෙනුවෙන් අපි ඔබට තුති පුදමු.
ස්තුතියි බූඩි.
0 කුළිය:
Post a Comment